كتب / رؤوف قــــنـــــش
كل يوم تطور جديد وأفكار متجددة والعقل البشرى مستمر فى البحث والتنقيب على كل ماهو جديد تختلف الأذواق والأنماط ولكن هناك تحرك سريع من الأفكار تواكب الأحداث من هنا وهناك بما يخدم المواطن معروف لدينا أن الشباب المقبل على الزواج يذهب هو وخطيبتة إلى محلات عرض حجرات النوم لإختيار الأفضل وما يناسبهما من حيث الخامة والمادة أيضا والمعروف لنا جميعا أن حجرة النوم المكونة من سرير ودولاب وكمدينو عدد أثنين وتسريحة زجاج يحدوها برواز خشبى والمتبع كما هو مكتوب أن الحجرة خشب إما وأن يتطور الأمر وتكون كل ما سبق ذكرة سيراميك فهذا امر غريب جدا وغير مألفوف ويدعوا للدهشة والإستغراب حجرة نوم سيراميك كاملة الأشياء ياللهول تعودنا على الخشب وما بة من مزايا وعيوب ولكن جاء السيراميك وحتى وقتنا هذا لانعرف لة مزايا أو عيوب لأن إستخدامة قد يكون معدوم حتى تاريخة وقد يكون إستخدامة رائعا وغير مسبوق ويكون السيراميك ضيفا خفيف الظل ويعلن عن وفاة الخشب ولايبرح غرف النوم ثانية .
كان لابد من إستطلاع بعض الأراء حول هذة الفكرة ومدى نجاحها من عدمة وكانت البداية كالأتى
الأستاذ صلاح السعيد يقول بالنسبه لناس محدودي الدخل ده اوفر بكثير من العفش لأن هيجيبوا الفرش بس وبصراحه عملي لانك بتعمل السرير على حجم الغرفة بالضبط بس ده عاوز شقه تمليك وكمان مش بياخد تنضيف هيتمسح بسرعه ومش هيحتاج يتلمع وممكن نعمله بنظام الفسيفساء بصراحه حاجه عمليه وموفره جدا .
ويقول الأستاذ سامح متولى دلوقتى ممكن تعرفوا سبب الطلاق الكتير والعنوسة والسبب الأهل اللى معرفتش تربى أجيال مكافحة تعرف تبنى وتعمر مش انزحة وتتكبر والفشل مصير محتوم لكل واحدة فاكرة ان الغلاء فى الزواج هو الهدف وأضاف ده مش معناه ان إللى يقدر مايجيبش لا الغرض من الكلام بلاش مغالاه ومبالغة وكونوا قنوعين وفى النهاية ذكر المبدأ هو الهدف مش الحالة نفسها.
وتقول الأستاذة مها عثمان أنا شايفة انها فكرة حلوة لمحدودى الدخل وهتحل أزمه شباب كتير وفيها ايه لما يبدأو حياتهم كدا ولما ربنا يكرمهم يجيبوا احلى حاجة وأضافت فى شباب مش عارفين يجيبوا حتى حق السيراميك دة ربنا يهدى.
الأستاذة ندى محمد عباس تقول فية ناس بتقول إنها فكرة وحشة دا عشان لسه على البلاط لو اتفرشت الغرفة وﻻ هتعرف تفرق انها سيراميك وهتبقى اخر شياكة .
ويقول الأستاذ محمد عمران كل واحدة فى مصر شايفة ان الفكرة وحشة تخليها فى بيتها احسن وابشرى بعدم البركة اما اللى عاوزين يفتحوا بيوت ويعمروها يتوكلوا على الله ويعملوها وعلى ذوقهم وربنا هيبارك وأقول لهم سيبكم من عديمى البركة والفهم دول ليهم حياة عارفها انا وشايفها واخرتها معروفة.
وتقول الأستاذة شيماء محمود رخمه جدا وكمان في الشتا السيراميك هيبقي تلج يعني دول هيموتوا متلجين الخشب أفضل وأنا شايفة كدة أما السيراميك فكرة مجنونة .
ويقول الأستاذ جمال عصام وهو انتم فاكرين ان بكدة بيوفر بدل الخشب بالعكس سرير ودولاب وتسريحة شوفوا هيخدوا رمل واسمنت وطوب وزلط وحديد مسلح بكام وأضاف هيخرج واحد يقولك ليه الاسمنت والزلط هو الدولاب ده مش له خزنه اللى فوق دى يبقى لازم يكون فيه صبه فوق وصبه فى الوسط وصبه فى الأرضيه وكذلك السرير لأن اكيد هيعمل خزنه فى السرير وكذلك التسريحة بكام بقى كل ده غير السيراميك بره وجوه وخلى بالكم مصنيعة السيراميك فى الشغل ده كبيرة تيجى بعد كدا بقى على الخشب اللى هيقفل به الدولاب من فوق وتحت هتكلف كتير .
ويقول الأستاذ احمد على مراد بالعكس والله تحفه ونضيف وياريت نبص علي الجوهر وكفايه المنظره الفرغه اللي إحنا عايشين فيها.
وتقول الأستاذة زينب جميل بصرف النظر عن تكلفته المبالغ فيها فى فصل الشتاء هتكون الحجرة باردة جدا ودة خطر مستقبلا على الأولاد .
الأستاذ محمد اسامة يقول إختراع جميل جدا وشايف انة احسن من العفش اللي بيقطم الظهر علشان الواحد يعرف يجيبه .
